Heiðar nokkur Gunnarsson birti í dag athyglisvert myndband á TikTok sem segja má að veki upp spurningar.

Í myndbandinu má sjá hvar öskubíll er að tæma ruslatunnur, nema hvað að bæði svarta tunnan og þær bláu eru tæmdar í sama bíl, en eins og flestir vita er bláa tunnan fyrir pappír, eða fyrir bæði pappír og plast.

Heiðar spyr í myndbandinu:

„Afhverju erum við að nota svona margar tunnur ef þessu er síðan bara öllu svo sturtað bara í sama dunkinn?“

Miðillinn hun.is vakti athygli á myndbandinu en þar kemur fram að það sé tekið upp í Kópavogi, en bærinn hefur nýlega hert reglur í flokkunarmálum og er sem stendur að verið að bæta við flokkunartunnum við heimili í Kópavogi og er íbúum ætlað að flokka ruslið sitt í  plast, pappír, lífrænan úrgang og svo almennt sorp.

Innleiðing á nýja kerfinu hófst 22. maí og mun því ljúka í júlí, en breytingarnar byggja á lögum um meðhöndlum úrgangs sem samþykkt voru á Alþingi í júlí árið 2021 og gera það skylt að safna við öll heimili lífrænum eldhúsúrgangi, plasti, pappír og pappa.

Samkvæmt eldra kerfinu átti að flokka í orkutunnu annars vegar og svo endurvinnslutunnu sem er sú bláa

Íslenska gámafélagið sér um að hirða sorp frá heimilum í Kópavogi.

Ekki er þetta í fyrsta sinn sem endurvinnslukerfi hér á landi er gagnrýnt, en Stundin, nú Heimildin, hafði ítarlega fjallað um hvernig stór hluti plasts sem landsmenn telja sig hafa endurunnið hafi endað hafi hreinlega endað í vöruhúsum eða verið brennt.

@heidargunn♬ original sound – Heiðar Gunnarsson