Hann sagði að Rússar hafi misst að minnsta kosti 2.000 skriðdreka og 200.000 hermenn í stríðinu.
Hann ræddi einnig um eitt og annað sem stríðið hefur kennt umheiminum. Hann sagði að til dæmis að ef einhver sé með skriðdreka, þá skipti öllu að hafa yfir skriðdreka að ráða sjálfur. „Eitt af því sem kalda stríðið kenndi okkur er að nákvæmni vopna skiptir miklu máli. Þess utan er framleiðslugeta vopnaiðnaðarins mikilvæg,“ sagði hann og bætti við að sá, sem getur framleitt hergögn hraðast, vinni stríðið.
Hann sagði að forysta Volodymyr Zelenskyy, forseta Úkraínu, í stríðinu hafi sýnt hversu mikilvægt það sé að vera með góðan og hæfileikaríkan leiðtoga í fararbroddi til að virkja þjóðina.
Tölur Cavolis um fjölda ónýtra rússneskra skriðdreka passa vel við þær ljósmyndir af eyðilögðum rússneskum skriðdrekum sem hafa verið birtar og staðfest hefur verið að séu ófalsaðar. Þær sýna 1.790 ónýta rússneska skriðdreka að sögn Oryxspioenkop sem segir að gögn sýni einnig að eyðilagðir skriðdrekar séu allt frá T-62, sem voru framleiddir á sjöunda áratugnum, til nýrra T-90.
Hvað varðar manntjónið upp á 200.000 hermenn þá nær það mat Cavoli yfir fallna, særða og týnda hermenn. Hann skýrði ekki frá hvernig skiptingin er á milli þessar flokka. En hann ræddi sérstaklega um einn ákveðin hóp rússneskra hermanna, það er yfirmenn. Úr þeim hópi hafa um 1.800 fallið í stríðinu að hans sögn.
