En þetta hefur ekki mikil áhrif á Vesturlönd sem láta Rússa ekki segja sér fyrir verkum. Bretar ákváðu í síðustu viku að senda Úkraínumönnum nýja tegund skotfæra og leiðtogar ESB-ríkjanna tóku ákvörðun um að standa sameiginlega að innkaupum á skotfærum fyrir Úkraínu.
Um eina milljón fallbyssukúlna er að ræða og verða þær afhentar á næstu 12 mánuðum en Úkraínumenn nota um 5.000 til 6.000 slíkar á degi hverjum, svo þörfin er mikil.
„Bretar hafa misst vitið,“ sagði Sergei Lavrov, utanríkisráðherra Rússlands, fyrir helgi í kjölfar frétta um að þeir hafi ákveðið að láta Úkraínumönnum skotfæri í té sem fara í gegnum brynvarnir ökutækja. Þetta eru skotfæri sem innihalda „rýrt úran“ og telja Rússar að þetta lykti af kjarnorkuvopnum og segja að Vesturlönd hafi tekið „skref í átt að stigmögnun stríðsins“.