Móðir konu sem var gestur í hlaðvarpsþættinum Eigin konur hefur höfðað mál á hendur hlaðvarpsstjórnandanum Eddu Falak vegna meints brots á friðhelgi einkalífs hennar.
Mbl.is greinir frá þessu og lögmaður konunnar staðfestir þetta við miðilinn.
Í þættinum greindi kona frá sambandi sínu við foreldra sína. Var þar spiluð hljóðupptaka af samskiptum hennar og móður sinnar. Móðirin segir upptökurnar hafa verið gerðar án sinnar vitundar og með birtingu á þeim hafi verið brotið freklega gegn friðhelgi einkalífs hennar.
