Þetta kemur fram í stöðumati breska varnarmálaráðuneytisins um gang stríðsins. Segir ráðuneytið að sumum konum hafi verið boðin greiðsla gegn því að þær láti eiga sig að mótmæla. Aðrar hafa hins vegar fengið öðruvísi meðferð þar sem ráðist hefur verið gegn þeim á Internetinu og lítið gert úr þeim og trúverðugleika þeirra.
Fjöldi kvenna mótmælti í síðasta mánuði og var nokkrum sinnum boðað til mótmæla.
Varnarmálaráðuneytið segir að líklega séu rússnesk yfirvöld mjög viðkvæm fyrir hugsanlegum mótmælum tengdum þeim hermönnum sem voru kvaddir í herinn í september á síðasta ári og hafa nú verið í fremstu víglínu í rúmlega eitt ár.
