Í tilkynningu á heimasíðu Vegagerðarinnar kemur fram að áhrifa Landrissins í Svartsengi gæti á Grindavíkurvegi. Þar hafi nýjar sprungur myndast og breikkað nokkuð frá í gær. Sprungur hafi myndast nær Grindavík en áður en auk þess séu farnar að myndast sprungur á þeim stað sem búið var að gera við, eftir jarðhræringar síðustu vikna, nærri þeim stað þar sem landrisið á sér nú stað.
Í tilkynningunni segir ennfremur að Eftirlitsmaður Vegagerðarinnar segist finna talsverðan mun á veginum í dag miðað við í gær, miðvikudag.
Ekki sé þörf á að loka veginum en Vegagerðin segist fylgjast grannt með þróun mála í góðri samvinnu við lögreglu og Almannavarnir.
