Þann 23. nóvember verður aðalmeðferð fyrir Héraðsdómi Reykjaness í máli sem héraðssaksóknari hefur höfðað gegn manni sem sakaður er um kynferðisbrot gegn tveimur stúlkun á árinu 2022.

Annars vegar er maðurinn sakaður um nauðgun og kynferðisbrot gegn barni með því að hafa þriðjudaginn 1. febrúar á þáverandi heimili sínu, án samþykkis og með því að beita ólögmætri nauðung, haft samræði og önnur kynferðismök við stúlku undir lögaldri. Ákærði lét stúlkuna hafa við sig munnmök og hafði við hana samræði.

Hins vegar er maðurinn sakaður kynferðislega áreitni gegn annarri stúlku sem stóð yfir á tímabilinu janúar til júní 2022, á heimili stúlkunnar í og bíl mannsins. Ákærði þuklaði a.m.k. fjórum sinnum á brjóstum stúlkunnar innanklæða og reyndi tvisvar sinnum að færa hönd að kynfærum hennar og í eitt skipti rassskellti hann stúlkuna og sagði hanni að hún væri með flottan rass.

Héraðssaksóknari krefst þess að maðurinn verði dæmdur til refsingar og greiðslu alls sakarkostnaðar.

Fyrir hönd fyrrnefndu stúlkunnar er krafist miskabóta upp á 3 milljónir króna en fyrir hönd þeirrar síðarnefndu er farið fram á 2 milljónir króna í miskabætur.