Lögreglan á Suðurlandi fékk á fjórða tímanum í dag tilkynningu um alvarlegt slys sem átti sér stað við notkun buggybíls á Skógaheiði. Kemur þetta fram í tilkynningu frá lögreglunni.
Á vettvang fóru lögregla, sjúkralið og björgunarsveitir auk þess sem þyrla Landhelgisgæslunnar var kölluð til. Eldri maður var úrskurðaður látinn eftir komu viðbragðsaðila á slysstað.
Tildrög slyssins eru til rannsóknar.
