Söngkonurnar GDRN, Salka Sól og DJ Dóra Júlía koma fram á góðgerðartónleikum 1881 í Sky Lagoon þann 17. október. Edda Björgvinsdóttir leikkona, verndari verkefnisins og Hrannar Már Ásgeirs Sigrúnarson, formaður Sorgarmiðstöðvarinnar opna viðburðinn.
Tónleikarnir eru samvinnuverkefni 1881 Góðgerðafélags, Sky Lagoon, Tix og listakvennanna. Húsið opnar kl. 19 og tekur DJ Dóra Júlía á móti tónleikagestum í lóninu. Salka Sól stígur á svið kl. 20 og tekur lagið og mun GDRN fylgja á eftir og ætla þær ásamt undirleikurum að skapa ógleymanlega upplifun.
Listasmiðja fyrir börn í sorg
Allur ágóði af tónleikunum rennur óskertur til Listasmiðju fyrir börn í sorg sem skipulögð er af Sorgarmiðstöðinni. Listasmiðjan mun bjóða upp á styðjandi samverustundir þar sem fagaðilar, listamenn og listmeðferðarfræðingar vinna með börnum sem orðið hafa fyrir missi.
Sorgarmiðstöð
Sorgarmiðstöðin miðar að því að auka vitund og skilning samfélagsins á mikilvægi sorgarúrvinnslu og efla aðgengi að faglegri þjónustu við syrgjendur, m.a. með stuðningi, fræðslu og ráðgjöf til syrgjenda og þeirra sem vinna að velferð þeirra.
Vinur í raun
Með því að gerast Vinur í raun, styrkir þú starfsemi Sorgarmiðstöðvar með mánaðarlegum framlögum. Þannig styður þú börn og fullorðna sem misst hafa ástvin og þurfa að fóta sig á ný í breyttu lífi. Einnig er hægt að styrkja Sorgarmiðstöð með frjálsum framlögum.
Hægt er að styrkja Sorgarmiðstöðina hér.
Miða má kaupa hér.
