Maðurinn sem grunaður er um að hafa stungið Jaroslaw Kaminski til bana í leiguherbergi að Drangahrauni í Hafnarfirði, aðfaranótt 17. júní, hefur verið úrskurðaður í gæsluvarðhald til 8. september. Héraðdsómur Reykjaness kvað upp þennan úrskurð 15. ágúst og Landsréttur staðfesti hann í gær, 21. ágúst.

Sjá einnig: Rannsókn í Drangahraunsmálinu lokið – Hvers vegna var Jaroslaw myrtur?

Í gæsluvarðhaldsúrskurðinum koma fram nýjar upplýsingar í málinu. Fram kemur að hinn grunaði hafi sent vitni eftirfarandi skilaboð á Messenger eftir miðnættti aðfaranótt 17. júní:

 „þessi vitleysingur fyrst drep ég hann svo hengi ég mig“

Einnig kemur fram að hinn grunaði viðurkenndi að hafa stungið Jaroslaw einu sinni í sjálfsvörn.

Krafa lögreglu um áframhaldandi gæsluvarðhald yfir manninum byggir á 2. málsgrein 95. greinar laga um meðferð sakamála. Þar segir að úrskurða megi sakborning í gæsluvarðhald ef sterkur grunur leikur á að hann hafi framið afbrot sem getur varðað 10 ára fangelsi, enda sé brotið þess eðlis að ætla megi varðhald nauðsynlegt með tilliti til almannahagsmuna. Má lesa úr þessu að lögregla telji manninn hættulegan almenningi.

Bæði héraðsdómur og Landsréttur fallast á þessi rök og telja nauðsynlegt með tilliti til almannahagsmuna að maðurinn sitji áfram í gæsluvarðhaldi. Rannsókn málsins er lokið og það er núna komið á borð Héraðssaksóknara.

Úrskurðina má lesa hér.