Viðbragðsaðilar og Veðurstofan fylgjast vel með gangi mála við Öskju og ef þess gerist þörf munu þeir gera sitt besta til að grípa til aðgerða.

Þetta sagði Sólberg Svanur Bjarnason, deildarstjóri almannavarna, í samtali við Morgunblaðið en á mánudaginn sagði Þorvaldur Þórðarson, eldfjallafræðingur, að hann telji að loka eigi svæðinu í kringum Öskju áður en það verður um seinan.

Hann vísaði þar til mikils landriss við eldstöðina. Sólberg sagði að óvissustigi almannavarna hafi verið lýst yfir við Öskju 2021, í kjölfar þess að mælitæki byrjuðu að sýna landris. Það óvissustig er enn í gildi.

Hann sagði ómögulegt að spá fyrir um þróun mála og því sé mikilvægt að fylgjast vel með stöðunni.

Hægt er að lesa nánar um málið í Morgunblaðinu í dag.