Christine Dawood, ekkja auðkýfingsins Shahzada Dawood, veiti um helgina sitt fyrsta viðtal í kjölfar slyssins hræðilega sem kostaði eiginmann hennar og son lífið. Í viðtalinu kemur fram að fjölskyldan hafi skipulagt ferðina um langt skeið en Covid-19 faraldurinn hafi frestað brottförinni um nokkur ár.
Upphaflega hafi staðið til að Christine myndi fara í leiðangurinn með ævintýraþyrstum eiginmanni sínum enda sonurinn, Suleman, þá of ungur en þegar kom að brottför hafi hún vikið fyrir syninum sem hafi verið mjög spenntur fyrir ævintýrinu. Hún vildi ekki ræða það í viðtalinu hvernig henni liði með þá ákvörðun.
Þá kemur fram að Suleman hafi verið afar fær í að leysa Rubik-kubba. Hann hafi tekið leikfangið með sér um borð í Titan-kafbátinn og hafi ætlunin verið að skrá sig í sögubækurnar með því að verða sá einstaklingur sem hefði leyst slíkan úr verkefninu á mesta dýpinu eða 3.700 metrum.
