Fyrir utan verslanir í Hólagarði, við Lóuhóla í Breiðholti, er kona sögð vera að sigla undir fölsku flaggi með meinta söfnun fyrir heyrnarlaus börn. Er varað við konunni í Íbúahópi á Facebook. Sú sem skrifar þá færslu segist hafa fengið staðfest hjá Félagi heyrnarlausra og konan sé ekki á vegum félagsins.
Í færslunni segir:
„! AÐVÖRUN VARÚÐ!
Fyrir utan verslanir hólagarði /lóuholum
í dag var kona að „safna“ fyrir heyrnalaus munaðarlaus börn,
Sem er bullshit. búið að tala heyrnleysingafelagið og engin a þeirra vegum. Ef það næst mynd af henni þá vilja þeir endilega fá hana.
Hún er með lista sem þú skrifar nafn póst nr, borg, og upphæð. Og fær fólk til að taka út í hraðbanka.
Á vinkonu sem lét plata sig.
ENDILEGA ALLIR AÐ DEILA“
Í umræðum undir færslunni segir kona að sonur hennar hafi lent í sömu konu fyrir utan Bónus í Reykjanesbæ.
Rétt er að vara við fólki sem segist vera að safna fé fyrir heyrnarlausa á almannafæri, sérstaklega fyrir utan verslanir.
Lesandi hafði samband við DV og sagði að kona hefði verið við þessa sömu iðju í Bónus i Holtagörðum í gær. Sá lesandi neitaði að styrkja konuna en hún sagðist vera að safna fyrir heyrnarlaus börn. Segir hún að konan hafi verið innandyra en við inngang verslunarinnar.
Ekki liggur fyrir hvort um sömu konu er að ræða í öllum tilvikum eða hóp kvenna sem gerir út á þörf heyrnarlausra fyrir stuðning.
