Í byrjun maí verða fyrstu Leopard 1 skriðdrekarnir, sem Danmörk, Holland og Þýskaland, keyptu og gáfu Úkraínu, tilbúnir. Ríkin þrjú keyptu um 100 slíka skriðdreka sem voru í eigu fyrirtækis í Flensborg í Þýskalandi. Það keypti þá af danska hernum fyrir mörgum árum síðan.

Troels Lund Poulsen, starfandi varnarmálaráðherra Danmerkur, skýrði frá því fyrir helgi að fyrstu skriðdrekarnir verði tilbúnir til afhendingar í byrjun maí. í fyrstu verða þeir notaðir til æfinga fyrir úkraínska hermenn.

Verið er að yfirfara skriðdrekana og standsetja svo þeir verði í góðu standi þegar Úkraínumenn fá þá í hendurnar.

Reiknað er með að síðustu skriðdrekarnir verði afhentir í haust.