Hún sagði að í ljós hafi komið að sumir veitingastaðir, í því landi sem eitt sinn var stóra Stóra-Bretland, beri íkorna á borð fyrir gesti sína. „Þegar maður hugsar út í að það er mikið af dýrum í almenningsgörðum, af hverju ekki að borða þau fyrst það er matarskortur?“ sagði hún.
Þessum ummælum hennar, sem hún lét falla í umræðuþættinum „60 mínútur“ hefur verið deilt á Twitter af ráðgjafa úkraínska innanríkisráðherrans sem gerði mikið grín að þeim.
Skabejeva, sem er stjórnandi þáttarins, gagnrýndi Breta fyrir að eyða peningum í vopn fyrir Úkraínu á sama tíma og þeir glími sjálfir við mikinn efnahagsvanda.
„Þeir borða íkorna en leggja samt Úkraínumönnum til stórskotaliðsbyssur,“ sagði hún.
Skabejeva þykir vera einn áhrifamesti þáttastjórnandinn í Rússlandi og er hún þekkt fyrir að koma með grófar og staðlausar ásakanir í beinni útsendingu.
Margir Rússar þekkja hana sem „Járndúkku Pútíns“ eða „Áróðursmeistara Pútíns“.
