Bilun í hreinsi­búnaði bensín­stöðvar Costco olli mengunar­slysi á aðventunni í fyrra. Áætlað er að rúm­lega 110 þúsund lítrar af dísil­olíu hafi farið í gegnum frá­veitu­kerfi Hafnar­fjarðar og endað úti í sjó. Fréttablaðið greinir frá.

Margir íbúar kvörtuðu undan ó­lykt og sumir fundu til ó­gleði og fyrir höfuð­verk. Í minnis­blaði er á­lyktað að á­hrifin á líf­ríkið séu senni­lega ekki mikil, en sýni verða tekin af sjávarbotninum til greiningar.

„Þetta eru gríðar­lega háar tölur og þetta er gríðar­lega al­var­legt mengunar­slys. Auð­vitað vonaði maður að þetta yrði ekki svona mikið, en mér fannst eins og þetta yrði lík­legast há tala,“ segir Hildur Rós Guð­bjargar­dóttir, bæjar­full­trúi Sam­fylkingar.

„Mér myndi finnast ó­á­byrgt að segja að þetta hafi haft lítil á­hrif, án þess að það væru niður­stöður úr rann­sókn til staðar.“

Nánar má lesa um málið í Fréttablaðinu.