Í gær var þingfest fyrir Héraðsdómi Reykjavíkur mál gegn manni sem ákærður er fyrir nauðgun. Í nafnhreinsaðri ákæru héraðssaksóknara í málinu, sem DV hefur undir höndum, kemur fram að konan barðist gegn ofbeldismanninum og tókst að komast undan honum, þó ekki án þess að manninum tækist að brjóta gegn henni. Í ákæru segir:
„…með því að hafa aðfaranótt sunnudagsins […] […], á […], farið í heimildarleysi inn á […] þar sem […..], kennitala […..], lá sofandi, og með ofbeldi og ólögmætri nauðung og án samþykkis, haft önnur kynferðismök en samræði við […..], en ákærði afklæddi sig og fór upp í rúm til […], lagðist ofan á hana og hélt henni fastri, kyssti hana á munninn og um allan líkamann, þuklaði líkama hennar, meðal annars kynfæri og brjóst, setti fingur endurtekið inn í leggöng hennar og reyndi að þröngva getnaðarlim sínum inn í leggöng hennar, en […..] sagði ákærða að hún vildi þetta ekki og barðist á móti honum meðal annars með því að reyna að ýta honum af sér og klemma saman lærin, en […] náði svo að komast undan ákærða og flýja út úr herberginu.“
Konan gerir kröfu um 5 milljónir króna í miskabætur auk lögmannskostnaðar sem hún hefur orðið fyrir nú þegar vegna málsins, upp á 415 þúsund krónur.
Héraðssaksóknari krefst þess að maðurinn verði dæmdur til refsingar og greiðslu alls sakarkostnaðar.
