Umfangsmikil fangaskipti áttu sér stað í nótt milli Rússa og Úkraínumanna. Alls voru 215 fangar leystir úr haldi af Rússum en Úkraínumenn slepptu á móti 55 föngum úr sínu haldi, þar á meðal stuðningsmanni Pútín, úkraínska stjórnmálamanninum Viktor Medvedchuk, sem ákærður hafði verið fyrir landráð í heimalandi sínu. Pútín er guðfaðir dóttur Medvedchuk.

Samkvæmt Sky-fréttatofunni staðfesti Andrii Yermak, yfirmaður skrifstofu Úkraínuforseta, fangaskiptin.

„Volodymyr Zelensky, forseti, setti sér það markmið að fá hetjurnar okkar aftur heim. Niðurstaðan? Hetjurnar okkar eru frjálsar,“ er haft eftir Yarmak.

Meðal þeirra sem voru leystir úr haldi voru hermenn sem börðust nánast til síðasta manns í Azovstal-stálverksmiðjunni í Mariupol og héldu út mánuðum saman gegn ofurefli rússneska hersins. Mikill fögnuður hefur gripið um sig meðal Úkraínumanna

Þá fengu fimm breskir málaliðar frelsi þar á meðal þeir Aiden Aslin, John Harding og Shaun Pinner. Þeir voru handsamaðir af Rússum á vígsstöðvunum í austur-Úkraínu í apríl og dæmdir til dauða af dómstól í Alþýðulýðveldinu Donetsk fyrir að berjast gegn Rússum sem málaliðar. Bretarnir áfrýjuð dómnum og freistuðu þess að sýna fram á að þeir hefðu verið fullgildir meðlimir í úkraínska hernum.

Bretarnir voru frelsinu fegnir og sendu hlýjar kveðjur til ástvina sinna og allra þeirra sem hafa barist fyrir frelsi þeirra. Auk Bretanna voru fimm aðrir útlendingar leystir úr haldi Rússa, þar á meðal sænskur ríkisborgari.

Fangaskiptin eru tilkom vegna tilstilli Recep Tayyip Erdogan, forseta Tyrklands, sem miðlaði málum til Rússa og Úkraínumanna, og Mohammed bin Salman, krónprins Saudi-Arabíu.

Tíðindin af fangaskiptunum hafa komið mörgum í opna skjöldu enda hefur alþjóða samfélagið nötrað eftir ræðu Vladimir Pútín í gær þar sem hann tilkynnti um herkvaðningu 300.000 manna liðs og hótaði að nota gereyðingarvopn ef þörf væri til að ljúka stríðinu. Töldu flestir því að einhverskonar málamiðlanir væru útilokaðar og því felst ákveðin vonarglæta í fangaskiptunum.

Уповноважений Верховної Ради з прав людини Дмитро Лубінець опублікував відео зі звільненими з полону захисниками. pic.twitter.com/qel1Ykccly

— Veronika (@3JIa_) September 21, 2022