Vítalía Lazareva og Arnar Grant hafa staðið í hringiðu eins stærsta fréttamáls ársins sem enn sér ekki fyrir endann á. Eins og frægt varð steig Vítalía fram og sakaði þjóðþekkta menn um að hafa áreitt sig, bæði í heitum potti og á hótelherbergi. Arnar og Vítalía áttu í ástarsambandi á þeim tíma og sveiflaðist Arnar frá því að vera gerandi og yfir í að vera helsta vitni í málinu. Steig hann í kjölfarið fram og sagðist staðfesta sögu Vítalíu frá heitapotts kvöldinu en að hún væri ekki að segja satt um áreitið á hótelherberginu. Hver framvindan verður er óráðið en reikna má að málið muni rata inn í dómsal.

Vítalía hefur starfað hjá apótekum Lyfju en Arnar sem einkaþjálfari á World Class. Fjölmiðlastormurinn hefur haft mikil áhrif á starfsframa hans en hann fór í leyfi frá líkamsræktarstöðvum World Class í byrjun árs 2022 og hætti þar alfarið í sumar.

Á síðasta ári voru mánaðartekjur Vítalíu 412.920 krónur en mánaðarlaun Arnars á sama tíma voru 167.808 krónur.