fbpx
Þriðjudagur 21.júní 2022
Fréttir

Skilaboð frá síbrotamanni urðu til þess að rýma þurfti húsnæði Lögreglustjórans á Suðurnesjum

Ágúst Borgþór Sverrisson
Mánudaginn 20. júní 2022 13:15

Mynd: Facebook-síða Lögreglustjórans á Suðurnesjum.

Ekki missa af Helstu tíðindum dagsins í pósthólfið þitt

Lesa nánar

Þann 16. mars síðastliðinn barst embætti Lögreglustjórans á Suðurnesjum tölvupóstur frá manni að nafni Mohamad Kourani þess efnis að í húsnæði embættisins væri sprengiefni og rýma þyrfti húsnæðið. Reyndist vera um gabb að ræða.

Dómur var kveðinn upp yfir Mohamad þessum, sem fékk alþjóðlega vernd hér á landi árið 2018, þann 16. júní síðastliðinn, en auk gabbsins var hann ákærður fyrir mikinn fjölda annarra brota og sakfelldur fyrir þau flest. Dómurinn var kveðinn upp í Héraðsdómi Reykjaness.

Mohamad var meðal annars sakaður um líkamsárás á skrifstofu í Reykjavík í maí árið 2020 en hann sló mann hnefahöggum á brjóstkassa og sló til hans með styttu. Hlaut maðurinn mar á brjóstkassa og yfirborðsáverka á úlnlið og heni.

Hann var sakaður um húsbrot í júní 2020 fyrir að hafa neitað að yfirgefa starfstöð lögmanns og verið með ógnandi framkomu.

Þá var hann sakaður um að hafa sett sig í samband við lögmann sem hafði fengið nálgunarbann á hann.

Hann var sakaður um að hafa valdið eignaspjöllum í Drápuhlíð í Reykjavík með því að sparka í hurð á húsnæði þar svo rúða brotnaði.

Ennfremur var Mohamad sakaður um fjölmörg sóttvarnabrot og fyrir að falsa ökuskírteini. Einnig var hann sakaður um að hafa hrækt á lögreglumenn á lögreglustöðinni við Hringbraut í Reykjanesbæ.

Einnig var Mohamad sakaður um brot á vopnalögum með því að hafa haft í fórum sínum útdraganlega kylfu sem ekki var ætluð til íþróttaiðkunar.

Mohamad Kourani var dæmdur í 12 mánaða fangelsi fyrir þessi brot en til frádráttar kemur sá tími sem hann hefur setið í gæsluvarðhaldi en það er frá 17. mars síðastliðnum til 16. júní.

Dóminn má lesa hér

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Breskur herforingi segir að breski herinn verði að undirbúa sig undir stríð í Evrópu

Breskur herforingi segir að breski herinn verði að undirbúa sig undir stríð í Evrópu
Fréttir
Í gær

Segir þetta geta verið næsta skref Pútíns

Segir þetta geta verið næsta skref Pútíns
Fréttir
Fyrir 2 dögum

Handtekinn ölvaður á vespu með 5 ára farþega

Handtekinn ölvaður á vespu með 5 ára farþega
Fréttir
Fyrir 2 dögum

Hundur týndur í Hafnarfirði – Hefur þú séð Balto?

Hundur týndur í Hafnarfirði – Hefur þú séð Balto?
Fréttir
Fyrir 3 dögum

Hlín í miðpunkti fjöldamótmæla í Grikklandi – „Það er ákveðinn óhugnaður í gangi í stjórnmálum hér“

Hlín í miðpunkti fjöldamótmæla í Grikklandi – „Það er ákveðinn óhugnaður í gangi í stjórnmálum hér“
Fréttir
Fyrir 3 dögum

14 einstaklingar sæmdir fálkaorðuni

14 einstaklingar sæmdir fálkaorðuni
Fréttir
Fyrir 4 dögum

Malbikstöðin stækkar flotann enn frekar

Malbikstöðin stækkar flotann enn frekar
Fréttir
Fyrir 4 dögum

Sigurður sakaður um að eyðileggja sjómannadaginn – „Hún hringdi og sakaði mig um að hafa svikið sig“

Sigurður sakaður um að eyðileggja sjómannadaginn – „Hún hringdi og sakaði mig um að hafa svikið sig“