Að minnsta kosti 40 rússneskir ofurstar og aðrir háttsettir herforingjar hafa fallið í stríðinu í Úkraínu. Talið er að talan sé mun hærri en 40 er sá fjöldi sem staðfest hefur verið að hafi fallið. Nýlega bættust tveir ofurstar í þennan hóp.

The Independent segir að annar þeirra sem féll nýlega sé Alexander Dosyagayev. Hann var 34 ára og stýrði 104. fallhlífarherdeildinni. Sú herdeild tók þátt í árásinni á Butja fyrr á árinu en þar var fjöldi óbreyttra borgara pyntaður og myrtur af rússneskum hermönnum.

The Independent segir að Dosyagayev hafi verið talinn besti fallhlífarsveitarforingi Rússa.