Svo virðist sem stór hluti matargesta á Íslendingabarnum Nostalgia á Tenerife á jóladag hafi veikst hastarlega eftir hangikjötsveislu á staðnum. Rætt er um málið í Facebook-hópnum Tenerife tips!.
Annar eigandi staðarins, Herdís Hrönn Árnadóttir, segir í umræðunum um þetta að hún vilji endurgreiða öllum sem urðu veikir þetta kvöld: „Það urðu nokkrir veikir , og því mögulegt að einhver hangikjötsrullan verið ekki í lagi. Erum að skoða þetta með framleiðandanum. Eða hvort um ælupest hafi verið að ræða.“ Bendir Herdís á að ælupest hafi verið að ganga hjá fólki sem ekki var á Nostalgíu-barnum.
Þátttakendur í urmæðunum, sem voru snæddu á Nostalgíu á jóladag telja útilokað að hér geti verið um ælupest að ræða. Ein segir: „Það er ekki sjens að þetta sé ælupest, þar sem tveir aðilar byrjuðu að æla á nákvæmlega sömu mínútu hjá okkur. Meðgöngutími hjá ælupest er líka 1-2 sólarhringar. Það getur því eiginlega ekki verið að fólkið sem sat þarna saman hafi allt smitast af ælupest nokkrum klst. síðar.“
„Við erum nýlega búin með ælupest á okkar heimili en ég hef aldrei séð barnið mitt æla svona rosalega og með eins miklar magakvalir eins og þetta kvöld. Hann ældi og kúgaðist stöðugt frá kl 22:20-04 um nóttina. En þetta eru auðvitað ekkert sem hægt er að gera í eftir á, en gott að fá matinn endurgreiddan,“ segir konan sem byrjar þessa umræðu.
Einn maður greinir frá því að hann hafi aðeins einn af sex manna hópi ekki veikst. Hann hafi líka verið sá eini í hópnum sem bragðaði ekki á uppstúfinu. Leiðir hann því líkur að því að uppstúfið hafi valdið veikindunum en ekki hangikjötsrúlla eins og eigandi staðarins telur líklegt.
