Slökkviliðið á höfuðborgarsvæðinu hefur sent frá sér fréttatilkynningu vegna máls sem DV greindi frá í gær og varðar kynlífsmyndband sem tekið var upp í sjúkrabifreið í Reykjavík.

Í tilkynningunni kemur fram að starfsmaðurinn sem í hlut átti, karlmaður sem átti mök við konu í sjúkrabíl, hafi verið rekinn. Tilkynningin er eftirfarandi:

„Slökkvilið höfuðborgarsvæðisins (SHS) fékk nafnlausa ábendingu um að kynlífsmyndband hafi verið tekið upp í sjúkrabíl á vegum liðsins. Ábendingin var tekin alvarlega og farið í að rannsaka málið innanhúss. Við fyrstu skoðun var ekki hægt að staðfesta málið með þeim gögnum sem þá lágu fyrir. Eftir að málið fór í fjölmiðla í gær komu fleiri ábendingar sem hægt var að fylgja eftir.

Í kjölfar nánari rannsókna kom því miður í ljós að starfsmaður hjá SHS bar ábyrgð á þessu myndskeiði. Málinu er formlega lokið gagnvart honum og starfar hann ekki lengur hjá SHS. Við erum algjörlega miður okkar að allt það frábæra starfsfólk sem starfar hjá SHS, vinnustaðurinn og okkar störf hafi verið dreginn inn í mál af þessu tagi.“