fbpx
Fimmtudagur 02.febrúar 2023
Fréttir

Virtir góðborgarar í stærsta kókaínmáli sögunnar – Páll, Daði, Jóhannes og Birgir ákærðir

Ágúst Borgþór Sverrisson
Mánudaginn 14. nóvember 2022 17:00

Mynd úr safni.

Ekki missa af Helstu tíðindum dagsins í pósthólfið þitt

Lesa nánar

Sakborningarnir fjórir í stóra kókaínmálinu eiga lítinn sakaferil að baki en hafa sumir áunnið sér virðingu í samfélaginu fyrir störf sín. Um er að ræða stærsta kókaín-mál Íslandssögunnar. DV hefur ákæru málsins undir höndum.

Mennirnir heita Páll Jónsson, Daði Björnsson, Jóhannes Páll Durr og Birgir Halldórsson. Páll Jónsson er 67 ára gamall og hefur stundað innflutning á timbri. Fyrirtæki hans heitir Hús og Harðviður en í ákæru segir að fyrirtækið hafi verið notað í peningaþvætti í tengslum við kókaínsmyglið.

Meðal ákærðra er einnig Jóhanns Páll Durr, 28 ára gamall, en Vísir bendir á að hann er fyrrverandi liðstjóri hjá íslensku landsliði í rafíþróttum.

Mennirnir eru sakaðir um að hafa staðið að innflutningi á um 100 kílóum af kókaíni sem voru flutt til landsins falin í trjádrumbum í timbursendingu. Raunar var búið að skipta efnunum út fyrir annað áður en þau komu til Íslands. Efnin komu fyrst með gámum frá Brasilíu til Hollands. Íslenska lögreglan hafði veður af smyglinu og lét tollverði í Rotterdam í Hollandi vita. Þeir skiptu fíkniefnunum út fyrir gerviefni áður en gámurinn fór til Íslands.

Götuvirði efnanna er talið nema um tveimur milljörðum króna, samkvæmt frétt Vísis.

Allir sakborningarnir sitja í gæsluvarðhaldi í dag, einn á Hólmsheiði og þrír á Litla-Hrauni.

Risasending af gerviefnum í skjóli sumarnætur

Gámurinn með efnunum kom hingað til lands aðfaranótt 25. júlí í sumar sem leið. Var gámurinn afgreiddur af tollsvæði þann 2. ágúst og þaðan fluttur að Borgartúni í Reykjavík. Þann 4. ágúst voru trjádrumbarnir fjarlægðir úr gámnum og fluttir að Gjáhellu 13 í Hafnarfirði þar sem gerviefninu, sem mennirnir töldu vera kókaín, var pakkað. Hluti af sendingunni var keyrður með sendibíl til ógreinds aðila hér á landi, eins og það er orðað í ákærunni, til að hægt yrði að koma efnunum í sölu og dreifingu. Lögreglan lagði hald á efnin í bílnum þar sem honum var lagt í stæði í Mosfellsbæ.

Mennirnir eru auk ákæru um stórfellt fíkniefnasmygl ákærðir fyrir peningaþvætti en á reikningum þeirra hafa fundist háar fjárhæðir sem þeir geta ekki gert grein fyrir. Þannig er timbursalinn Páll Jónsson sakaður um peningaþvætti upp á rúmlega 16 milljónir kóna. Er hann sagður hafa tekið, geymt, umbreytt og aflað sér ávinnings af refsiverðum brotum sem nemur þessari upphæð. Er hann sagður hafa notað peningana til eigin framfærslu og til að greiða fyrir innflutning fíkniefna.

Birgir Halldórsson, sem er fæddur árið 1995, er sagður hafa tekið við, geymt, umbreytt og aflað sér ávinnings af refsiverðum brotum fyrir samtals rúmlega 13 milljónir króna. Geymdi hann peningana og notaði til eigin framfærslu.

Rafíþróttaliðstjórinn Jóhannes Páll er sakaður um að hafa tekið við eða aflað sér með ólöglegum hætti ríflega 17 milljónum króna.

Daði Björnsson, sem fæddur er árið 1992, er sakaður um peningaþvætti sem nemur rúmlega 16,3 milljónum króna.

Réttað verður yfir mönnunum fyrir Héraðsdómi Reykjavíkur en DV er ókunnugt um hvenær aðalmeðferð í málinu verður eða hvort komin er dagsetning á hana.

 

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 20 klukkutímum

TF-SIF á hilluna vegna hagræðingar

TF-SIF á hilluna vegna hagræðingar
Fréttir
Fyrir 23 klukkutímum

Niceair skildi 45 töskur eftir á Tenerife – „Þarna mátti gera betur“

Niceair skildi 45 töskur eftir á Tenerife – „Þarna mátti gera betur“
Fréttir
Í gær

Fyrrum ræðuritari Pútíns segir að valdarán geti átt sér stað innan árs

Fyrrum ræðuritari Pútíns segir að valdarán geti átt sér stað innan árs
Fréttir
Í gær

„Hér er Ríkislögreglustjóri að ljúga mjög alvarlegum sökum upp á almenna borgara!“

„Hér er Ríkislögreglustjóri að ljúga mjög alvarlegum sökum upp á almenna borgara!“
Fréttir
Fyrir 2 dögum

Börn lentu í hrakningum í Grafarholti – Gert að yfirgefa strætó vegna óveðursins

Börn lentu í hrakningum í Grafarholti – Gert að yfirgefa strætó vegna óveðursins
Fréttir
Fyrir 2 dögum

Íslenskir bændur leita að ástinni – „Austfirski folinn“ laus og liðugur og fertug ungfrú leitar að „dad-body“

Íslenskir bændur leita að ástinni – „Austfirski folinn“ laus og liðugur og fertug ungfrú leitar að „dad-body“
Fréttir
Fyrir 2 dögum

Árás á íranska drónaverksmiðju getur komið sér vel fyrir Úkraínu

Árás á íranska drónaverksmiðju getur komið sér vel fyrir Úkraínu
Fréttir
Fyrir 2 dögum

Sérfræðingur skefur ekki utan af því – „Pútín hefur mistekist hrapalega“

Sérfræðingur skefur ekki utan af því – „Pútín hefur mistekist hrapalega“
Fréttir
Fyrir 2 dögum
Sleginn í andlitið