„Lögreglan telur að karlmaðurinn sem fannst látinn í sjónum nærri Sólfarinu í dag hafi áður verið um borð í bátnum sem fannst í fjörunni í Engey í morgun,“ segir í nýrri tilkynningu frá lögreglunni um líkfund við Sólfarið í dag, sem varð um klukkan hálftvö.
Segir að ekki sé vitað hvers vegna maðurinn féll útbyrðis. Í tilkynningunni segir:
„Um tildrög þess að maðurinn féll útbyrðis er ekki vitað og er það til rannsóknar. Talið er að hann hafi verið einn á ferð. Ekki er hægt að veita frekari upplýsingar að svo stöddu.“
