fbpx
Sunnudagur 22.maí 2022
Fréttir

Landlæknir tekur bara við kvörtunum útprentuðum og póstlögðum

Heimir Hannesson
Miðvikudaginn 26. janúar 2022 18:00

„Sendu mér póst“ öðlast spánýja merkingu þegar embætti Landlæknis á í hlut, ef marka á heimasíðu embættisins.

Ekki missa af Helstu tíðindum dagsins í pósthólfið þitt

Lesa nánar

Þrátt fyrir átak hins opinbera í umbyltingu samskipta almennings við hina ýmsu króka stjórnsýslunnar undanfarin misseri er ljóst að pottur er enn víða brotinn. Þannig barst DV til að mynda ábending um það í vikunni að enn væri einungis hægt að senda inn kvörtun til embættis Landlæknis skriflega, og þá bókstaflega skriflega – með blekpenna.

Inni á heimasíðu Landlæknis er sérstakur flokkur undir „Gæði & eftirlit“ sem heitir „Kvartanir til embættis landlæknis.“ Þar er skjólstæðingum íslenska heilbrigðiskerfisins sem telja á rétti sínum brotið boðið að senda inn kvartanir. Leiðbeiningar eru skýrar: „Kvörtun á að vera skrifleg og tilefni hennar skal koma þar skýrt fram.“

Boðið er upp á tvenns konar eyðublöð. Annars vegar í „docx“ formi, sem er þá til útfyllingar í tölvu, og svo PDF skjal til útprentunar og handskriftar. Bæði skjölin þarf þó að prenta út og senda á embættið með bréfpósti. Ekki tölvupósti. „Kvörtun skal beina skriflega, með formlegu bréfi (ekki í tölvupósti), til embættis landlæknis, Katrínartúni 2, 105 Reykjavík,“ segir á þessu sama vefsvæði.

Mörgum gæti þótt þessi leið kvartana stinga í stúf við fyrri yfirlýsingar ríkisstjórnarinnar en hún hefur undanfarin ár kostað miklu til við rafvæðingu stjórnsýslu landsins. Nú er til að mynda hægt að láta þinglýsa skjölum rafrænt, fá rafrænt ökuskírteini, kæra mál innan stjórnsýslunnar með rafrænum eyðublöðum, skila inn skattframtölum og kæra þau fram og til baka á vettvangi veraldarvefsins. Ætli einhver að kvarta yfir einhverju til Landlæknis, þarf sá hinn sami þó enn um sinn, að verða sér út um frímerki.

Fyrir þá sem eru ryðgaðir í póstfræðum má rifja upp að pósthúsin eru í dag sjö talsins á höfuðborgarsvæðinu og 32 á landinu öllu og eru þau opin virka daga. Þar má, meðal annars, póstleggja bréf.

224 krónur kostar að senda bréf innanlands í dag, að því gefnu að bréfið sé undir 50 grömmum. Fari þyngd bréfsins yfir það bætist 21 króna við gjaldið og verður það 265 kr.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 2 dögum

Guðmundur Örn: „Mamma er búin að hringja nokkrum sinnum í dag og vill komast heim“

Guðmundur Örn: „Mamma er búin að hringja nokkrum sinnum í dag og vill komast heim“
Fréttir
Fyrir 2 dögum

Þetta er færslan sem Hersir „like-aði“ og Bankasýslan var ósátt við

Þetta er færslan sem Hersir „like-aði“ og Bankasýslan var ósátt við
Fréttir
Fyrir 2 dögum

Pútín er reiður – Kennir þeim um

Pútín er reiður – Kennir þeim um
Fréttir
Fyrir 2 dögum

Enn aukast vandræði Pútíns – Enn einn ofurstinn drepinn

Enn aukast vandræði Pútíns – Enn einn ofurstinn drepinn
Fréttir
Fyrir 2 dögum

Stjórnlaus hegðun mannsins á hvíta fyrirtækisbílnum – Dómurinn yfir Brynjari birtur

Stjórnlaus hegðun mannsins á hvíta fyrirtækisbílnum – Dómurinn yfir Brynjari birtur
Fréttir
Fyrir 2 dögum

Flassarinn í Laugardal úrskurðaður í fjögurra vikna gæsluvarðhald

Flassarinn í Laugardal úrskurðaður í fjögurra vikna gæsluvarðhald
Fréttir
Fyrir 2 dögum

Heilbrigðisráðherra tók fyrstu skóflustunguna að nýju bílastæða– og tæknihúsi Nýs Landspítala

Heilbrigðisráðherra tók fyrstu skóflustunguna að nýju bílastæða– og tæknihúsi Nýs Landspítala
Fréttir
Fyrir 3 dögum

Tíu mæður lýsa „ófaglegum vinnubrögðum og hlutdrægni“ þessara matsmanna í forsjármálum og leita til Landlæknis

Tíu mæður lýsa „ófaglegum vinnubrögðum og hlutdrægni“ þessara matsmanna í forsjármálum og leita til Landlæknis