Fjölskylda Brynjars biður fyrir Kára: „Sonur okkar tók hræðilegar ákvarðanir“

Fjölskylda Brynjars Þórs Guðmundssonar, sem grunaður er um skotárás á Blönduósi um liðna helgi, hefur sent frá sér yfirlýsingu þar sem þau biðja fjölmiðla að sýna sér skilning og virða einkalíf sitt, og Brynjars. Mbl.is greinir frá þessu.

Þá segist fjölskyldan biðja fyrir Kára Kárasyni sem liggur þungt haldinn á sjúkrahúsi eftir árásina.

Hér er yfirlýsingin í heild sinni:

„Frá fjöl­skyldu Brynj­ars Þórs

Son­ur okk­ar og bróðir tók hræðileg­ar ákv­arðanir sem urðu til þess að hann lét lífið, kunn­ingja­kona okk­ar einnig og eig­inmaður henn­ar ligg­ur þungt hald­inn á sjúkra­húsi.

Við syrgj­um bróður og son. Við get­um ekki svarað fyr­ir gjörðir hans og hann ekki held­ur. Við vilj­um biðja fjöl­miðla að sýna okk­ur skiln­ing og virða einka­líf okk­ar, og Brynj­ars.

Við biðjum fyr­ir því að Kári nái heilsu og send­um fjöl­skyld­unni, vin­um og öðrum sem eiga um sárt að binda inni­leg­ar samúðarkveðjur.

Við vilj­um biðja fjöl­miðla um til­lit­semi. Þrátt fyr­ir ákv­arðanir Brynj­ars þá syrgj­um við kær­an son og bróður.

Með kveðju,
For­eldr­ar og systkini Brynj­ars“