Á Fréttavaktinni í kvöld mánudaginn 22. ágúst er fjalla’ um hina hörmulegu atburðum sem áttu sér stað á Blönduósi í gær. Samúðarkveðjur hafa streymt norður. Forseti Íslands, forsætisráðherra ásamt fleirum hafa sent íbúum samúðarkveðjur í dag.
Rætt er við séra Magnús Magnússon prest á Blönduósi um líðan fólks þar í dag. Einnig verður rætt við sérfræðingur í áfallahjálp sem er meðal þeirra sem aðstoðar íbúa.
Guðni Ágústsson fyrrverandi ráðherra segir til skammar hvernig sögusetrið á Hvolsvelli hafi drabbast niður og lítið sé gert til að halda Njálssögu, höfuðdjásni íslenskra fornbókmennta á lofti.
Svokölluð hraðbrúðkaup voru haldin í dag á vegum Siðmenntar. Hvorki meira né minna en 23 hjónavígslur fóru fram í dag. Rætt er við við hjón sem gengu í dag í hnapphelduna með stuttum fyrirvara.
Fréttavaktin er sýnd á Hringbraut alla virka daga kl. 18:30. Horfa má á Fréttavakt dagsins hér að neðan:
Fréttavaktin, mánudagur 22. ágúst 2022
