Lögreglan á Norðurlandi vestra hefur sent frá sér viðbótarfréttatilkynningu vegna skotárásarinnar sem átti sér stað á Blönduósi í morgun þar sem tveir létu lífið og einn særðist alvarlega.
Þar kemur fram að lögregla hafi engu að bæta við fyrri yfirlýsingu umfram það sem lögreglustjóri hafi tjáð sig um við fjölmiðla í dag.
Sjá einnig: Tveir í haldi lögreglu vegna skotárásarinnar á Blönduósi – Meintur árásarmaður fannst látinn á vettvangi
Tekið er fram að rannsókn málsins sé á forræði lögreglustjórans á Norðurlandi eystra og vegna rannsóknarhagsmuna muni lögreglustjórinn á Norðurlandi vestra, eðli máls samkvæmt, ekki veita upplýsingar um rannsóknina.
