Héraðssaksóknari hefur ákært Íslending á þrítugsaldri fyrir stórfellda líkamsárás á annan Íslending í London árið 2018. Fréttablaðið greinir frá ákærunni en í frétt miðilsins kemur fram að árásin hafi átt sér stað fyrir utan skemmistaðinn Freedom Bar í Soho-hverfi bresku höfuðborgarinnar. Maðurinn er ákærður fyrir að hafa veist að landa sínum og ýtt honum með þeim afleiðingum að hann slasaðist illa. Samkvæmt ákærunni skall þolandinn með hnakkann í götuna og hlaut höfuðkúpubrot, blæðingu inn á heila, brest í beinhimnu sem leiddi til þess að bragð- og lyktarskyn skertist auk þess sem maðurinn missti heyrn á hægra eyra.

Nánar er fjallað um ákæruna á vef Fréttablaðsins.