Ákveðið hefur verið að takmarka aðgang að gosstöðvunum í Meradölum á Reykjanesi, þegar svæðið er opið, við 12 ára aldur. Að sögn Lögreglustjórans á Suðurnesjum er ástæðan sú að erlendir ferðamenn koma oft með ung börn að gosinu. Oft er fólkið illa búið. Lögreglustjórinn segir að ákvörðunin sé tekin með hagsmuni barna að leiðarljósi en tilkynning hans um málið er eftirfarandi:

„Erfiðlega hefur gengið að hefta för foreldra með ung börn inn að gosinu sem í flestum tilfellum eru erlendir ferðamenn og það þrátt fyrir góða upplýsingagjöf um að gossvæðið sé ekki staður fyrir ung börn að dvelja á. Börn og foreldrar þeirra hafa í mörgum tilfellum verið mjög illa búin og svo virðist sem fólk geri sér enga grein fyrir því hvar það er statt og hvað bíður þeirra á erfiðri og langri göngu að gosstöðvunum.

Að gefnu tilefni og með hagsmuni barna að leiðarljósi hefur lögreglustjórinn á Suðurnesjum því ákveðið að takmarka aðgengi barna yngri en 12 ára að gosstöðvunum þegar svæðið er opið.   

Eftirlit lögreglu og björgunarsveita verður með umferð ökutækja um Suðurstrandarvegi   Eftirlit gangi eftir með þeim hætti sem nú er tilkynnt.

Heimild fyrir aðgerðum lögreglustjóra er sótt í 23. gr. laga um almannavarnir nr. 82/2008.“