Rannsókn á Barðavogsmálinu er mjög langt komin en lögregla bíður eftir gögnum, meðal annars gögnum um sakhæfi hins grunaða, Magnúsar Arons Magnússonar. Þetta kemur fram á mbl.is.

Þann 4. júní síðastliðinn var Gylfa Bergmann Heimissyni ráðinn bana í íbúðarhúsnæði við Barðavog. Hinn grunaði er annar íbúi í húsinu, Magnús Aron Magnússon. Hefur hann setið í gæsluvarðhaldi frá því málið kom upp. Gæsluvarðhaldsúrskurður Magnúsar rennur út eftir tíu daga en talið er að óskað verði eftir framlengingu á gæsluvarðhaldinu ef rannsókn verður ekki lokið þá.

„Það er svo­lítið eft­ir, en það er flest­um rann­sókn­araðgerðum lokið. Við erum fyrst og fremst að bíða eft­ir gögn­um. Það er bara spurn­ing hversu löng sú bið verður,“ seg­ir Ei­rík­ur Valberg, hjá miðlægri rannsóknardeild lögreglunnar á höfuðborgarsvæðinu, í samtali við mbl.is.