Ung íslensk kona lét lífið á aðfaranótt föstudags er jeppi sem hún var í var ekið út af Meðallandsvegi, sunnan við Kirkjubæjarklaustur. Tveir farþegar í bílnum voru fluttir alvarlega slasaðist með sjúkraþyrlu en þeir eru á batavegi. Ökumaður slapp ómeiddur en er grunaður um ölvun við akstur.
Þetta kemur fram í tilkynningu frá Lögreglunni á Suðurlandi en þar segir:
„Farþegi í jeppabifreið lést þegar bifreiðinni var ekið út af Meðallandsvegi aðfaranótt föstudagsins 8. júlí s.l. Tveir farþegar voru fluttir alvarlega slasaðir með þyrlu til Reykjavíkur en eru, eftir því sem best er vitað, á batavegi. Ökumaður slapp ómeiddur úr slysinu. Hann er grunaður um ölvun við akstur bifreiðarinnar. Málið er í hefðbundnum rannsóknarferli en að þeirri rannsókn kemur auk lögreglu á Suðurlandi, m.a. með aðstoð sérfræðings í rannsóknum ökutækja, tæknideild lögreglu höfuðborgarsvæðisins. Upplýsingar um einstaka rannsóknarþætti verða ekki gefnar á meðan á rannsókninni stendur.“
