Mengun er að valda því að typpi minnki, samkvæmt einum vísindamanni. Faraldursfræðingurinn og umhverfissérfræðingurinn dr. Shanna Swan gaf út bók á dögunum þar sem hún kannaði tengingu á milli iðnaðarefna og typpastærð. Í bókinni „Count Down“ heldur hún því fram að heimur dagsins í dag hafi áhrif á kynþroska fólks og að hann ógni framtíð mannkynsins.
Í bókinni lýsir hún því hvernig mengun er að valda hærri tíðni ristruflanna og því að fleiri og fleiri börn fæðist með lítil typpi. Þrátt fyrir það að þetta hljómi eins og grín, segir hún að rannsóknir bendi til þess að vonir mannkynsins fyrir framtíðina séu ekki bjartar.
„Í sumum heimshlutum er meðal tvítuga konan minna frjó en amma hennar á fertugsaldri,“ sagði Shanna. Hún kallar ástandið „alþjóðlega tilvistarkrísu.“
Samkvæmt rannsóknum Shönnu valda þessari röskun efni sem kallast þalöt sem eru notuð við framleiðslu á plasti og geta þau haft áhrif á framleiðslu líkamans á hormóninum endókrín.
Þessi hópur efna er notaður til að auka teygjanleika efna. Hann er að finna í dóti, matarpakkningum, þvottaefni, snyrtivörum og fleiru en Shanna telur að þessi efni séu að skaða þroska fólks.
„Börn koma inn í heiminn þegar spillt af efnum vegna þeirra efna sem þau taka við í leginu,“ sagði Shanna. Mikið af rannsóknum Shönnu nýverið hafa einblínt á áhrif þalata. Hún byrjaði á því að kanna áhrif þalata á rottur. Árið 2000 var hins vegar bylting á sviðinu þegar hægt varð að greina lágt magn þalata í mannfólki.
Shanna hefur skrifað margar greinar um hvernig þalöt geti borist frá foreldri til afkvæmis, áhrif þeirra á kynlöngun kvenna, og það nýjasta: áhrif þeirra á typpastærð.
