Á sjöunda tímanum í gær var strætisvagni ekið á stúlku í Kópavogi. Hún var á reiðhjóli sínu og fór skyndilega út á götu og endaði það með að strætisvagni var ekið á hana. Hún kenndi til eymsla í öxl en var ekki flutt á bráðadeild en sjúkraflutningamenn skoðuðu hana á vettvangi.

Á ellefta tímanum réðust karl og kona á mann í Kópavogi. Konan er sögð hafa verið í bifreið með manninum og hafi ráðist á hann með þeim afleiðingum að hann ók utan í vegrið. Þá kom maður að, opnaði bílstjórahurðina og sló ökumanninn ítrekað í höfuðið. Vitni náði myndbandsupptöku af atburðinum.

Tveir ökumenn voru handteknir grunaðir um að vera undir áhrifum fíkniefna.