Úkraínska þingið samþykkti í vikunni lög sem heimila himinháar greiðslur til rússneskra liðhlaupa sem taka með sér rússnesk hergögn til skila þeim inn til úkraínskra hersins. Varaforseti úkraínska þingsins sagði um málið þegar frumvarpið varð að lögum að lögin væru miðuð að rússneskum hermönnum en mikið hefur verið gert úr vondum anda í röðum rússana frá því að þeir réðust inn í Úkraínu.

Hæstu greiðslurnar nema einni milljón Bandaríkjadala sem fæst fyrir stærri herskip og orrustuþotur. Hálf milljón fæst fyrir herþyrlur og minni herskip. Tvö hundruð þúsund dalir fást fyrir flutningaskip, eitt hundrað þúsund fyrir skriðdreka, 50 þúsund fyrir báta og brynvarin tæki og minna fyrir aðrar vélar.

Skýringarmyndin hér að neðan er gefin út af þinginu til skýringar á greiðslunum sem það lofar.

Til viðbótar við áðurnefndar greiðslur verður öryggi þeirra sem flýja skyldur sínar í rússneska hernum tryggt. Rússneskum liðhlaupum verður þannig boðin skilríki undir dulnefni og flutningur til annars ríkis auk 58 þúsund Bandaríkjadala, sem gerir um sjö og hálfa íslenska milljón.

Úkraínski herinn hefur þegar lagt hald á gríðarleg verðmæti sem áður tilheyrðu rússneska hernum. Nægir þar að nefna hundruð skriðdreka og önnur brynvarin tæki og vopn. Þá hafa myndir ítrekað birst á samfélagsmiðlum og í fréttatímum Vesturlanda þar sem úkraínskir bændur sjást draga umrædd tæki, sum hverra kostar milljarða í framleiðslu, tvist og bast yfir moldarbeðin sín.