Einn hefur verið handtekinn eftir alvarlega árás á framhaldsskóla í Malmö í Svíþjóð nú síðdegis þar sem tveir slösuðust alvarlega og hafa verið fluttir á sjúkrahús. Miklar lögregluaðgerðir standa nú yfir við skólann.

„Þetta er hræðilegt,“ segir skólastjórinn Fredrik Hemmensjö við Göteborgs-Posten. Hann var staddur í Gautaborg þegar atvikið átti sér stað en er nú á leið til Malmö.

Blaðafulltrúi lögreglunnar segist ekki hafa neinar upplýsingar um hversu margir hafa slasast eða nákvæmlega hvað er talið hafa gerst.

Nemendur segja hafa verið inni í skólanum þegar lögreglan kom og sagði að það þyrfti að rýma skólann strax. Einhverjur héldu hreinlega að um grín væri að ræða.

Lögreglan er enn að yfirheyra vitni, að því er fram kemur í sænsku pressunni.

Fréttin hefur verið uppfærð.