Karlmaður var fyrir helgi í Héraðsdómi Reyjaness dæmdur í þriggja og hálfs árs fangelsi fyrir að brjóta kynferðislega gegn dóttur sinni sem og tveimur systurdætrum sínum.

Dóttir mannsins var 12 ára þegar brotin áttu sér stað. Nýtti maðurinn sér yfirburðastöðu sína gagnvart henni sem og þann trúnað sem hún bar til hans sem foreldris og braut ítrekað á henni kynferðislega, en lesendur eru varaðir við eftirfarandi lýsingum á brotum mannsins.

Maðurinn var ákærður fyrir nauðgun, kynferðisbrot gegn barni og stórfellt brot í nánu sambandi. Brotum mannsins er lýst með eftirfarandi hætti:

„Ákærði sleikti ítrekað á henni kynfærin, strauk og hrækti á kynfæri hennar innanklæða, og í eitt skipti reyndi hann að stinga getnaðarlimi sínum í endaþarm hennar. Með þessari háttsemi var lífi, heilsu og velferð A ógnað á alvarlegan og sérstaklega sársaukafullan og meiðandi hátt.“

Maðurinn var einnig ákærður fyrir kynferðisbrot, barnaverndarlagabrot og brot í nánu sambandi með því að hafa tekið myndir og myndskeið af kynfærum dóttur sinnar og eins að hafa tekið myndband af honum að brjóta gegn henni.

Gagnvart systurdætrum sínum var maðurinn ákærður annars vegar fyrir að hafa lagst upp í rúm hjá systurdóttur sinni og beðið ítrekað um að fá að snerta á henni kynfærin og hafa svo í annað skipti tekið myndir af kynfærum hennar á meðan hún svaf.

Gagnvart annri systurdóttur sinni var maðurinn ákærður fyrir að hafa tekið myndbönd af berum kynfærum og rassi hennart.

Við rannsókn á tölvu mannsins fannst barnaklám sem og gögn um að maðurinn hafi notað Internetið til að skoða efni sem sýnir börn á kynferðislegan hátt.

Maðurinn játaði sök fyrir dómi og var horft til þess við ákvörðun refsingar sem og til þess að maðurinn hefur nú leitað sér aðstoðar. Var hæfileg refsing ákveðin þrjú og hálft ár í fangelsi og bætur til stúlknanna voru ákvarðaðar alls 5,5 milljónir, 3 til dóttur hans, og 1 og 1,5 til systradætra hans.