Íslenskur Tiktok-notandi birti í gærkvöldi svakalegt myndband frá Miklubraut þar sem litlu mátti mun að stórslys yrði. Myndbandið er úr mæliborðsmyndavél bíls sem keyrar á miklum hraða í átt að Ártúnsbrekku. Skyndilega beygir jeppi inn á akreinina með þeim afleiðingum að bílstjórinn keyrir útaf hraðbrautinni og upp á grasið við hlið vegarins. Þar keyrir hann svo drjúga stund, meðal annars á bak við strætóskýli við hraðbrautina, og má litlu muna að grunlaus vegfarandi verði fyrir bílnum.
Óhappið virðist þó að hafa farið vel og bílstjórinn nær að lokum að hægja ferðina.
Myndbandið, sem var birt rétt fyrir miðnætti í gærkvöldi, hefur vakið gríðarlega athygli á Tiktok og hefur fengið rúmlega 15 þúsund áhorf á skömmum tíma. Ekki liggur fyrir hvenær myndbandið er tekið upp en miðað við veðrið gæti það verið nokkra mánaða gamalt.
@sveinbjornhafdisarson #fyp #iceland #ísland ♬ original sound – SvebbiNebbi
