Eigendum kóreska veitingastaðarins KORE er umhugað um starfsfólk Landspítalans sem stendur í ströngu sem aldrei fyrr, nú á tímum Covid-faraldursins. Til að létta fólkinu lund og gefa því orku færðu starfsmenn KORE Landspítalanum 130 vefjur í morgun.
„Það er okkur sannur heiður að fá að létta aðeins undir hjá starfsfólki Landspítalans á þessum erfiðu tímum,“ segir í tilkynningu frá KORE um málið.
Það var glatt hjá hjalla hjá starfsfólki Landspítalans sem gerði sér kræsingarnar að góðu og virðast þær hafa runnið ljúflega niður.
