Eiginmaður Rocio Bertu Calvi Lozano er laus allra mála í umfangsmiklu fjársvika máli eftir að hans þáttur í máli var vísað frá fyrr á árinu. Þetta kemur fram í frétt RÚV um málið. Þar kemur fram að aðalmeðferð málsins átti að fara fram í morgun en hafi verið frestað vegna Covid-19. Umfang málsins er gríðarlegt – gert var ráð fyrir að um 30 vitni yrðu kölluð til.
Rocio Berta og eiginmaðurinn hennar voru ákærð saman fyrir hin meintu brot og var mál gegn þeim þingfest í júní 2020. Þau neituðu bæði sök og höfnuðu alfarið bótakröfum í málinu.
Sjá einnig: Meintu fjársvikari í einu grófasta fjársvikamáli Íslands neitar sök
Nú stendur aðeins málið gegn Rocio hefur en henni er gefið af sök að hafa svikið allt að 80 milljónir króna frá heilabiluðum systrum á tíræðisaldri. Rocio kynntist annarri systurinni á vegum bandaríska sendiráðsins á Íslandi, þar sem sú síðarnefnda starfaði. Vinskapurinn er í ákæru rakinn allt aftur til 2005, en gæti þó verið lengri. Á árinu 2012 fékk Rocio umboð frá systrunum 2012 til að sjá um fjármál þeirra og var umboðið útbúið af lögmanni sem sömuleiðis vottaði skjalið. Það var á grundvelli þessa umboðs sem Rocio fékk gefin út debetkort sem tengd voru við bankareikninga í eigu systranna.
Rocio er sökuð um að hafa notfært sér andlegt ástand systranna og fengið þær til að skrifa undir erfðaskrá þar sem hún var arfleidd að nær öllum eigum þeirra. Ennfremur er hún sökuð um ævintýralega eyðslu á greiðslukorti sem tengt var við bankareikning annarrar systurinnar en ákæran er 52 blaðsíður. Er hún sögð hafa á fimm ára tímabili, frá 2012 til 2017, notað greiðslukortið alls 2166 sinnum.
Hér fyrir neðan má sjá lítinn hluta af þessum kortafærslum:
Heildarupphæð úttekta af debetkortinu er sögð vera yfir 50 milljónir króna.
Rocio er einnig sökuð um að hafa stolið ýmsum munum af heimili annarrar systurinnar, meðal annars hnífapörum, dúkum, styttum og stokkabelti fyrir gullhúðaðan upphlut sem er metinn á 1,8 milljónir króna.
