Árið 1980 ákváðu bandarísku hjónin Harold Dean Clouse og Tina Gail Linn að flytja frá Flórída til Texas þar sem Harold var boðin vel launuð vinna í Texas. Þau fluttu ásamt nýfæddri dóttur sinni en hugsunin á bakvið flutningana var sú að með þeim gat Harold hugsað betur um eiginkonu sína og dóttur.

Þegar litla fjölskyldan var tiltölulega nýflutt til Houston í Texas voru þau Harold og Tina myrt. Líkamsleifar þeirra fundust í janúar árið 1981 en þá var ekki vitað að líkamsleifarnar tilheyrðu þeim. Raunar var það ekki vitað fyrr en í fyrra en þá fékk systir Clouse símtal frá ættfræðingi sem fann tengingu milli líkamsleifanna og hennar. Þá var talið að konan sem fannst við hlið Clause væri eiginkona hans og var það staðfest með erfðaefni frá fjölskyldu hennar.

En dóttir þeirra hefur ekki ennþá ekki fundist, hvorki lifandi né látin. Í dag er enn verið að leita hennar, ef hún er á lífi þá er hún orðin 41 árs gömul. Donna Casasanta, móðir Clouse, vonast til þess að hún finnist. „Þetta er búið að vera mjög erfitt. Ég vona að við finnum hana,“ segir hún í samtali við Houston Chronicle sem fjallaði um málið.