Arnar Grant, einkaþjálfari hjá World Class, er farinn í tímabundið leyfi vegna ásakana Vítalíu Lazarevu gegn honum. Þetta kemur fram á Vísir.is en Björn Leifsson, eigandi World Class, svaraði fyrirspurn miðilsins.
Vítalía Lazareva hefur sakað fjóra vini Arnars Grant um að hafa beitt sig kynferðisofbeldi en hún var um tíma í ástarsambandi með honum. Arnar sakar hún um að hafa stuðlað að misnotkuninni.
Tveir af þeim mönnum sem Vítalía ásakar hafa stigið til hliðar úr störfum sínum vegna málsins, þeir Ari Edwald og Hreggviður Jónsson.
