Á níunda tímanum í gærkvöldi höfðu lögreglumenn afskipti af fólki á heimili þeirra í Kópavogi. Þar var hald lagt á plöntur og búnað til ræktunar kannabis. Einnig var lagt hald á ætluð fíkniefni. Heimilisfaðirinn játaði að eiga efnin.
Um miðnætti var maður handtekinn í Bústaðahverfi grunaður um líkamsárás og brot á vopnalögum. Hann var vistaður í fangageymslu. Árásarþolinn var með minniháttar áverka.
Tveir ökumenn voru handteknir í gærkvöldi og nótt grunaðir um að vera undir áhrifum áfengis eða fíkniefna. Annar þeirra var staðinn að ítrekuðum akstri sviptur ökuréttindum og um vörslu fíkniefna. Hann var vistaður í fangageymslu.