83 smit af Covid-19 greindust innanlands í gær. Um helmingur var í sóttkví. Þetta eru mun lægri smittölur en undanfarna daga. Hins vegar þarf að hafa í huga að færri mæta í sýnatöku um helgar en á virkum dögum. Tekin voru tæplega 2.600 sýni í gær. Í liðinni viku voru tekin á milli 4.000 og 6.000 sýni daglega.
Núna eru 2.177 í sóttkví og 1.026 í skimunarsóttkví. 1.226 er í einangrun og 12 eru á sjúkrahúsi með sjúkdóminn.
