fbpx
Föstudagur 24.september 2021
Fréttir

Íhuga að sækja um ríkisstyrk vegna frestunar Þjóðhátíðar

Kristján Kristjánsson
Miðvikudaginn 28. júlí 2021 06:59

Mynd frá Þjóðhátíð í Eyjum.

Ekki missa af Helstu tíðindum dagsins í pósthólfið þitt

Lesa nánar

Þjóðhátíðarnefnd er að skoða hvort sækja eigi um ríkisstyrk eftir að ljóst var að fresta verður Þjóðhátíð í Eyjum í ár en það er annað árið í röð sem fresta þarf hátíðinni.

Morgunblaðið hefur þetta eftir Herði Orra Grettissyni, formanni þjóðhátíðarnefndar. „Það er ómögulegt að segja hvort við fáum einhvern styrk frá ríkinu, en okkur fyndist það eðlilegt þegar lokað er á hátíðina með viku fyrirvara. Það er stjórnvaldsaðgerð og því hljóta yfirvöld að hafa tekið áhrifin af henni með í reikninginn. Ríkisstjórnin hlýtur að hafa gert það,“ er haft eftir honum.

Engir ríkisstyrkir fengust á síðasta ári vegna tekjutapsins en á móti kom að ÍBV, sem stendur fyrir hátíðinni, fékk styrki frá ýmsum aðilum. Vestmannaeyjabær styrkti félagið um 20 milljónir og nokkur stöndug fyrirtæki í bænum styrktu félagið einnig.

Hörður sagði að þessir styrkir hafi bjargað félaginu fyrir horn á síðasta ári og hafi það rétt svo náð að halda velli.

Íris Róbertsdóttir, bæjarstjóri í Vestmannaeyjum, sagði mikið áfall að fresta þurfi hátíðinni annað árið í röð. Hún sagði ekki byrjað að ræða hvort bæjarfélagið þurfi að styrkja ÍBV til að hægt verði að halda uppi barna- og unglingastarfi. Hún sagði að ríkið hafi ekki komið neitt að málum á síðasta ári en henni finnist eðlilegt að ÍBV ræði við ríkið nú því aðstæðurnar séu allt aðrar en á síðasta ári.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 3 dögum

Lokayfirlýsing DV: Faðir sem opinberar barnið sitt

Lokayfirlýsing DV: Faðir sem opinberar barnið sitt
Fréttir
Fyrir 3 dögum

Eldur í íbúð í Kópavogi

Eldur í íbúð í Kópavogi
Fréttir
Fyrir 3 dögum

„Hryllingshúsið“ í Kópavogi seldist á 41,5 milljónir

„Hryllingshúsið“ í Kópavogi seldist á 41,5 milljónir