fbpx
Fimmtudagur 23.september 2021
Fréttir

Íslendingur grunaður um morð í Bandaríkjunum – Talinn hafa sundurlimað líkið eftir ódæðið

Jón Þór Stefánsson, Bjarki Sigurðsson
Miðvikudaginn 21. júlí 2021 09:00

Samsett mynd: Daníel Gunnarsson og borgin Ridgecrest

Ekki missa af Helstu tíðindum dagsins í pósthólfið þitt

Lesa nánar

Ungur Íslendingur er í haldi lögreglu í Kaliforníu-fylki í Bandaríkjunum grunaður um að hafa orðið bekkjarsystur sinni að bana og limlest lík hennar í kjölfarið.

Hinn grunaði heitir Daníel Gunnarsson en hann hefur verið búsettur í borginni Ridgecrest í ríkinu gyllta undanfarin ár. Þangað flutti hann frá Íslandi ásamt móður sinni sem var af tékknesku bergi brotinn en faðirinn er íslenskur.

Daníel Gunnarsson

Blóðugur á vettvangi

Þann 18. maí síðastliðinn fann lögregla borgarinnar illa farið lík hinnar 21 árs gömlu Katie Pham. Líkið fannst í bílskúr við heimili stjúpföður Daníels og var Íslendingurinn, sem er fæddur árið 2000, handtekinn skömmu síðar með blóð á höndum og hálsi auk þess sem blóð fannst á buxum hans.

Áverkar á líki Pham voru miklir en meðal annars var hún með mörg stungusár á líkama og aftan á höfði. Þá leikur grunur að lík Pham hafi verið limlest eftir dauða hennar. Talið er að Daníel hafi notað ísnál við verknaðinn.

Katie Pham

Áttu í ástarsambandi

Pham og Daníel þekktust ágætlega en þau höfðu verið bekkjarfélagar í Burroughs High School þaðan sem þau útskrifuðust árið 2018.

Stjúpfaðir Daníels á að hafa tjáð lögreglu að þau hafi átt í stuttu ástarsambandi. Morguninn áður en morðið átti sér stað hafi hann heyrt að þau væru hætt saman.

Svæðismiðill NBC, KGET 17, hefur fjallað mest um ódæðið en aðkoma lögreglu að vettvangi var lýst sem „blóðugum morgni“. Hefur miðillinn meðal annars varpað fram þeim möguleika að Daníel hafi framið morðið vegna þess að Pham vildi ekki alvarlegt ástarsamband með honum.

Játaði sök

Daníel hefur setið í gæsluvarðhaldi síðan hann var handtekinn á vettvangi glæpsins. Næsta vitnaleiðsla í máli hans mun fara fram í ágúst byrjun. Í umfjöllun KGET 17 kemur fram að andleg heilsa hans sé til skoðunar og að læknar hafi fyrr í sumar óskað þess að réttarhöldum yfir honum verði frestað svo hægt væri að verja meiri tíma í að meta hana. Sú beiðni var samþykkt og munu sálfræðingar meta andlegt ástand Daníels.

Í gæsluvarðhaldi á Daníel að hafa játað á sig morðið. Þegar rannsóknarlögregluþjónn spurði hann hvað hafði gerst við Pham á hann að hafa svarað: „Ég drap hana.“. Þegar hann var spurður út í höfuðáverka hennar hafi hann svarað: „Ég veit ekki, ég hlýt að hafa mölvað á henni höfuðið“ notandi ísnál.

Réttlætinu verði fullnægt

Svæðismiðlar greindu frá því að samfélagið í Ridgecrest hefði verið lamað af sorg eftir að fréttir af ódæðinu spurðust út. Hundruðir einstaklinga mættu á minningarathöfn um Katie Pham sem fjölskylda og vinir hennar stóðu fyrir. „Ég elskaði Katie af öllu mínu hjarta og ég veit að hún vissi það,“ sagði faðir hennar, Thomas Pham, í minningarorðum sínum.

„Eina huggun okkar er að réttlætinu verði fullnægt svo að Katie geti hvílt í friði og samfélagið andað léttar,“ sagði Thomas.

„Þetta er sorglegur tími fyrir fjölda fólks,“ sagði Kurt Rockwell, frændi Katie. „Hún var yndisleg og sérstök stúlka. Þessi mikla sorg mun ekki fara svo glatt en með hjálp hvors annars getum við reynt að láta sárin gróa,“ sagði Rockwell og hélt áfram.

„Þetta var hræðilegur atburður á marga vegu. En við verðum að elska hvort annað, kannski jafnvel Gunnarsson því að hann á erfiða vegferð fyrir höndum,“ sagði frændinn.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Stjörnunuddarinn í útrás til Svíþjóðar þrátt fyrir fimm ára fangelsisdóm í janúar – „Ég dreg það besta, og versta úr fólki“

Stjörnunuddarinn í útrás til Svíþjóðar þrátt fyrir fimm ára fangelsisdóm í janúar – „Ég dreg það besta, og versta úr fólki“
Fréttir
Í gær

„Hvaða rugl er þetta?“: Felix hjólar í Blóðbankann – „Lyktar illilega af hómófóbíu“

„Hvaða rugl er þetta?“: Felix hjólar í Blóðbankann – „Lyktar illilega af hómófóbíu“
Fréttir
Í gær

Smitin á uppleið aftur

Smitin á uppleið aftur
Fréttir
Fyrir 2 dögum

Eldur í íbúð í Kópavogi

Eldur í íbúð í Kópavogi
Fréttir
Fyrir 2 dögum

Snæþór opnar sig: „Ég er ótrúlega þakklátur fyrir þetta í dag þó ég hafi verið sár út í sjálfan mig svona fyrst á eftir“

Snæþór opnar sig: „Ég er ótrúlega þakklátur fyrir þetta í dag þó ég hafi verið sár út í sjálfan mig svona fyrst á eftir“
Fréttir
Fyrir 3 dögum

Leitað að manni sem villtist á Esjunni – Ekið á gangandi vegfaranda – Sigldu á sker

Leitað að manni sem villtist á Esjunni – Ekið á gangandi vegfaranda – Sigldu á sker
Fréttir
Fyrir 4 dögum

Vínsali og aktívisti í hár saman – Sverrir hótar Sindra málsókn – „En freki karlinn er auðvitað óvanur því að honum sé andmælt“

Vínsali og aktívisti í hár saman – Sverrir hótar Sindra málsókn – „En freki karlinn er auðvitað óvanur því að honum sé andmælt“
Fréttir
Fyrir 4 dögum

Hryllileg árás á ungmenni á Kársnesi í nótt – Börðu fólk ítrekað í höfuð með hömrum – „Þetta er ekkert annað en morðtilraun“

Hryllileg árás á ungmenni á Kársnesi í nótt – Börðu fólk ítrekað í höfuð með hömrum – „Þetta er ekkert annað en morðtilraun“