fbpx
Mánudagur 27.september 2021
Fréttir

Félagsfræðiprófessor vill leggja niður verðlaunaafhendingar á skólaútskriftum – „Má ekki bara sleppa þessu?“

Ágúst Borgþór Sverrisson
Þriðjudaginn 22. júní 2021 18:00

Viðar Halldórsson. Mynd: Stefán Karlsson

Ekki missa af Helstu tíðindum dagsins í pósthólfið þitt

Lesa nánar

Frétt DV frá 14. júní þess efnis að öll börn nema tvö sem útskrifuðust úr Barnaskólanum á Eyrarbakka og Stokkseyri hefðu verið kölluð upp á svið og þeim afhent þar verðlaun á meðan tvö börn sátu hnípin í salnum og fengu enga viðurkenningu, hefur vakið gífurlega athygli og leitt til umræðna í samfélaginu um skólaverðlaun.

Viðar Halldórsson félagsfræðiprófessor birti áhugaverða grein um málið á Kjarnanum í gær, þann 21. júní.

Viðar bendir á að nemendur hafa mismikið forskot þegar kemur að möguleikum á því að fá háar einkunnir. Sumir glími við raskanir sem þeir hafa enga stjórn á, til dæmis lesblindu og athyglisbrest. Sumir búi við erfiðar heimilisaðstæður á meðan aðrir eiga foreldra sem eru vel í stakk búnir til að styðja við bakið á þeim:

„Sumir nemendur eru því með fyrirframgefið forskot á aðra þegar kemur að námi og ná því kannski hærri einkunnum forskotsins vegna, frekar en vegna einhverra eftirsóknarverðra eiginleika sem þeir hafa tileinkað sér í sjálfu náminu. Á meðan sitja aðrir nemendur aftar í röðinni og þá mögulega vegna hindrana sem þeir fengu óverðskuldað í fangið.“

Viðar bendir á að nemendurnir sjálfir hafi litla stjórn á þeim þáttum sem eru ýmist hvati eða hindrun til afreka í námi. Nánast ógjörningur sé hins vegar „að sundurgreina að hve miklu leyti einkunnir hæstu nemendanna skýrast af utanaðkomandi forskoti þeirra á aðra nemendur, eða af natni þeirra við námið. Að sama skapi er næsta ómögulegt að sundurgreina að hve miklu leiti einkunnir þeirra nemenda sem lægri eru skýrast af utanaðkomandi hindrunum, samanborið við aðra nemendur, eða af skorti á natni þeirra við námið.“

„Má ekki bara sleppa þessu?“ spyr Viðar og leggur til að verðlaunaafhendingar á skólaútskriftum verði lagðar niður. Hann segir:

„Fyrir utan þær vafasömu forsendur sem liggja að baki slíkum verðlaunum (sem stiklað hefur verið á hér að ofan), þá eru aðrir þættir sem einnig má horfa til í þessu samhengi. Til dæmis má halda því fram að þeir nemendur sem fá hæstu einkunnirnar þurfi ekkert sérstaklega á þeirri ytri umbun að halda sem felst í bóka- og blómaviðurkenningum á tyllidögum. Því ytri umbunin sem öllu máli skiptir fyrir nemendur birtist auðvitað í formi þeirra einkunna sem þeir fá á einkunnaspjaldið sitt. Einkunnir þeirra nemenda sem hvað hæstar einkunnir hafa virka sem gjaldmiðill inn í framtíðina. Sterkar einkunnir veita þessum nemendum hvatningu og sjálfstraust, styrkja sjálfsmynd þeirra, sem og veita þeim aukið aðgengi að frekari menntun og inngöngu á vinnumarkað, umfram þá sem lægri einkunnir kunna að hafa. Umbun þeirra sem hæstar einkunnir hafa fyrir námsárangur sinn er því nóg fyrir.“

Sjá grein Viðars

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 2 dögum

Tinna tileinkar Öfgum og Þórhildi Gyðu nýjan lagatexta: „Litlir kallar með lögfræðinga. Litlir kallar með litlar hótanir“

Tinna tileinkar Öfgum og Þórhildi Gyðu nýjan lagatexta: „Litlir kallar með lögfræðinga. Litlir kallar með litlar hótanir“
Fréttir
Fyrir 2 dögum

Sjálfsvíg íslenskra lögreglumanna annað hvert ár – „Útköll þar sem börn eru í vanda, deyja jafnvel“

Sjálfsvíg íslenskra lögreglumanna annað hvert ár – „Útköll þar sem börn eru í vanda, deyja jafnvel“
Fréttir
Fyrir 3 dögum

Þórhildur Gyða kærir Sigurð G. Guðjónsson til lögreglu, Persónuverndar og LMFÍ

Þórhildur Gyða kærir Sigurð G. Guðjónsson til lögreglu, Persónuverndar og LMFÍ
Fréttir
Fyrir 3 dögum

Forsjárdeila fyrir Landsrétt – „Heittrúuð“ móðir metin hæfari en faðirinn

Forsjárdeila fyrir Landsrétt – „Heittrúuð“ móðir metin hæfari en faðirinn
Fréttir
Fyrir 4 dögum

Jóhanni var skipað að skilja 3 mánaða son sinn eftir fyrir utan kjörklefann – „Spes vinnubrögð“

Jóhanni var skipað að skilja 3 mánaða son sinn eftir fyrir utan kjörklefann – „Spes vinnubrögð“
Fréttir
Fyrir 4 dögum

Jón Gnarr birtir furðulegasta bréf sem hann hefur séð – „Hann hefði alveg orðið fjúkandi illur hefði hann séð þetta“

Jón Gnarr birtir furðulegasta bréf sem hann hefur séð – „Hann hefði alveg orðið fjúkandi illur hefði hann séð þetta“
Fréttir
Fyrir 4 dögum

Lögmaður segir fanga hafa meiri rétt en fósturbörn á Íslandi – „Og öllum þeim sem geta gert eitthvað í þessu er slétt sama“

Lögmaður segir fanga hafa meiri rétt en fósturbörn á Íslandi – „Og öllum þeim sem geta gert eitthvað í þessu er slétt sama“
Fréttir
Fyrir 5 dögum

Starfsmaður RÚV féll í yfirlið í upptöku á kosningaþætti – Gúndi kom til hjálpar

Starfsmaður RÚV féll í yfirlið í upptöku á kosningaþætti – Gúndi kom til hjálpar