Karlmaður á fertugsaldri hefur verið ákærður fyrir brot gegn valdstjórninni, með því að hóta tveimur lögreglumönnum.

Atvikið átti sér stað 13. febrúar á seinasta ári er maðurinn var í lögreglubifreið á leið úr Hafnarfirði í átt að Hverfisgötu í Reykjavík.

Maðurinn á að hafa hótað öðrum lögreglumannanna með orðunum: „Annað hvort setur þú vatn í augun á mér núna eða ég geng frá þér síðar,“ og hinum lögreglumanninum með því að segja: „Haltu kjafti, ég ætla fokking að taka þig í rassgatið og ég ætla að berja þetta litla fífl.“

Teljast þessi orð varða við 1. mgr. 106. gr. almennra hegningarlaga nr. 19/1940.