Forsætisráðherra Íslands Katrín Jakobsdóttir fer á kostum í óhefðbundnu helgarviðtali í DV sem kemur út á morgun. Í viðtalinu ræðir Katrín málamiðlanir, banal húmor, persónukjör, stílistan sinn, barnaafmæli, málamiðlanir, karlrembu og afhverju hún gat ekki hugsað sér að verða forseti. 

Katrín hefur ósjaldan gert grín að sjálfri sér fyrir takmarkaða rýmisgreind og að vera ómannglögg og er óspör á hrakfallasögur til að létta lund samferðamanna sinna. Það er eiginmaðurinn sem oft verður vitni að slíkum gjörningum – og tilfallandi þjóðarleiðtogar.

„Öll rifrildi okkar hjóna virðast hefjast í verslunum,“ segir Katrín glettin. Þar mætast þessir tveir hlutir, rými og ómannglöggvi af fullum krafti.

„Það byrjar yfirleitt þannig að mér er bent á að það sé einhver búinn að reyna að komast fram hjá okkur í grænmetiskælinum
í þrígang. Svo þekki ég ekki þann sem heilsar mér þó hann vinni með mér og þetta endar svo á kassanum þar sem Gunnar vill fara á sjálfsafgreiðslukassa en ég vil hitta manneskju og ég vel alltaf kassann þar sem röðin stoppar. Ég held að það sé
alger pína að vera með mér í opinberu rými. Það sást þegar ég heimsótti Angelu Merkel og ég fékk einföld fyrirmæli um hvar ég ætti að standa og ganga, en samt varð hún að vippa mér yfir sig því ég stóð röngum megin þegar við stoppuðum fyrir framan mjög hátíðlegan þýskan heiðursvörð.“

Helgarblað DV má nálgast í næstu verslun eða í áskrift hér.